ازاي تسافر نيوزيلاندا في ٢٠٢٤
السؤال الصعب اللي عشان اجاوبه احتاجت اذاكر نظام الهجرة لفترة طويلة و اتابع التغييرات اللي بتحصل بإستمرار اخرهم التغييرات اللي حصلت في ٢٠٢٤. بس عشان السؤال ده اتبعتلي حرفيا مئات المرات و مش كل الناس بتعرف تلاقي المعلومة من الموقع الرسمي حبيت الخصلكم هنا باختصار و بلغتنا الطرق المتاحة اللي ممكن تسافر بيها و تعيش في نيوزيلاندا في ٢٠٢٤.
طرق السفر لنيوزيلاندا
قبل ما تاخد خطوة السفر لنيوزيلاندا محتاج تعرف هل البلد هنا مناسبة ليك ولا لأ و هل ليك فرصة مناسبة لشغلك و حياتك تقدر تحصل بيها علي الاقامة الدايمة لنيوزيلاندا.
في مجموعة طرق اساسية للسفر لنيوزيلاندا، حدد اتجاهك قبل ما تبدأ الخطوات عشان كلهم مش ذي بعض و التحضير ليهم مختلف
هيا دي الطرق:
- عن طريق نظام النقط
- عن طريق العمل
- عن طريق الدراسة
- عن طريق لم الشمل الاسري
- عن طريق الاستثمار
- عن طريق اللجوء
عن طريق نظام النقط (Skilled Residence Pathways)
الفيزا دي اسمها
الجزئية دي لسه بحضرها و بزودلكم معلومات عن تكلفة الطريقة دي و خطواتها و انسب حد يسافر عليها
عن طريق الدراسة
ادي من أكتر الطرق السلسة
الجزئية دي لسه بحضرها و بزودلكم معلومات عن النقط دي، تابعو الموقع قريب جدا:
- ازاي تحصل علي فيزة دراسة في نيوزيلاندا
- المنح الدراسية في نيوزيلاندا
- ازاي تحصل علي الاقامة الدائمة من خلال الدراسة
- انهي جامعات احسن للدراسة في نيوزيلاندا
- احسن مدن للدراسة في نيوزيلاندا
- تكلفة الدراسة في نيوزيلاندا
- رأيي الشخصي في مين انسب حد يسافر للدراسة
عن طريق الاستثمار
الجزئية دي لسه بحضرها و بزودلكم معلومات عن تكلفة الطريقة دي و خطواتها و انسب حد يسافر عليها
قبل ما تسافر نيوزيلاندا
قبل ما تاخد اول خطوة ناحية السفر الي نيوزيلاندا اتأكد ان البلد دي مناسبة ليك لإن مفيش جنة علي وجه الارض كل بلد فيها الحلو و الوحش.. انا هنا عملتلك سلسلة فيديوهات قصيرة بكلمك عن نقط في غاية الاهمية في نيوزيلاندا من العيشة و الفرص و التربية و الشغل و الناس و العنصرية و حجات تانية.. هتجاوبك عن اسئلة كتير ممكن تساعدك تاخد قرارك و انت بتختار اذا كانت البلد دي مناسبة ليك ولا لأ. كل يوم بزود فيديو جديد، فإتأكد انك متابع الحساب عشان ميفوتكش الجديد. و دلوقتي تقدر تشغل الفيديو اللي تحت ده و هيفتحلك كل الفيديوهات المهمة ورا بعض.
ليه اختارت نيوزيلاندا؟
وقت ما سافر كان عندي فرصة اروح فرصة عمل في دبي أو المانيا أو نيوزيلاندا .. التلاتة جولي في نفس الوقت و كنت محتار جدا بين التلاتة. استشرت طوب الارض و استخارت ربنا و اختارت نيوزيلاندا. و الحمدلله مندمتش علي اختياري و بحسها واحدة من احسن بقاع الإرض اللي لسه محافظة علي جمالها الرباني و طبيعتها الخلابة و شعبها الطيب. ده طبعا رأيي الشخصي، ممكن يكون ليك رأي تاني ذي ناس كتير اعرفهم جم و ممبسطوش في نيوزيلاندا، فانا بحاول اوريك البلد من منظوري و اوريك الفرص اللي قدامي و اتمنالك كل خير ايا كان مكانك
حاول متخليش كل مجهودك في بلد واحدة لإن كل بلد ليها طلباتها اللي عايزاها في المهاجرين اللي بتستقبلهم، ممكن جدا تلاقي دولة اسهل بالنسبالك من دولة تانية. علي سبيل المثال، لو عندك لغة اجنبية قوية هتلاقي فرصك في كندا زادت جدا و لكن فرصك في نيوزيلاندا لا تعتمد علي اللغة اطلاقا. فمهم انك تبص علي فرصك في الهجرة لكل دولة و تحط مجهودك في دولة يكون فيها فرصة مناسبة ليك
نيوزيلاندا ولا استراليا؟
الجارة الشقيقة لنيوزيلاندا اللي تبعت ٣ ساعات عنها فقط هيا استراليا.. واحدة من اهم الوجهات للهجرة في العالم و حتي من نيوزيلاندا نفسها اكتر بلد النيوزيلانديين بيهاجرو ليها مؤخرا هيا استراليا ٢٦ الف مهاجر في ٢٠٢٤ لوحدها.. هل ده معناه ان استراليا احسن؟ ممممم مش بالظبط.. انا عارف ناس هاجرت من استراليا لنيوزيلاندا و اعرف ناس اكتر هاجرت من نيوزيلاندا لاستراليا و انا شخصيا عشت ٦ سنين في استراليا و زرت استراليا فحبيت اعمل مقارنة بين البلدين من حيث الفرص و الشغل و مستوي المعيشة و العنصرية و الجنسية و الطبيعة و الناس. هتلاقي المقارنة دي في الفيديو ده بص عليها و ممكن تاخد جولة في التعليقات هتلاقي ناس من البلدين معلقين و ناس هاجرت بين البلدين، ده هيديلك فكرة مناسبة مين احسن في البلدين.
نيوزيلاندا ولا كندا؟
عملت مقارنة مع صديقي في كندا حاولنا نقارن بين كندا و نيوزيلاندا في ١٠ نقط، مش هقولكم مين اللي كسب عشان مفيش بلد احسن في كل حاجة هتلاقي نقطتين فارقينلك هنا او هناك بتخليك تفضل مكان عن التاني حتي لو خسران في كل النقط التانية
ملحوظة مهمة
كل المعلومات اللي في البوست ده مصدرها الوحيد موقع الهجرة الخاص بنيوزيلاندا و عشان القوانين بتتغير كل شوية انصحك لازم تراجع المعلومات بنفسك و انت بتقدم. دي لا تعتبر نصيحة للهجرة عشان انا مش محامي هجرة معتمد، لو عايز معلومات دقيقة و اكيده راجع الموقع الرسمي لادارة الهجرة بنفسك او تواصل مع محامي هجرة معتمد. و لازم تتأكد انه فعلا معتمد من خلال الموقع الرسمي ده اللي عليه كل المحاميين المعتمدين.
الجديد فين؟
بإذن الله هفضل اجدد الصفحة دي بإستمرار عشان اجاوب علي اسئلتكم الجديدة و هفضل انزل فيديو جديد كل يوم. اتأكد انك متابع القناة علي اليوتيوب و مفعل الجرس عشان تشوف فيديو كل يوم و ربنا معاك
